“Orta statistik rəqəmlərə görə, dünya əhalisinin hər milyon nəfərinə 650-900 xroniki böyrək xəstəsi düşür ”. Lent. az -ın məlumatına görə, bunu Tədris Terapevtik Klinikasında keçirilən konfransda Səhiyyə Nazirliyinin baş mütəxəssisi Mehman Ağayev bildirib. M. Ağayevin sözlərinə görə, Azərbaycanda bu rəqəm təqribən 2 dəfə az- 350-400 nəfər təşkil edir: “Nazirlər Kabineti tərəfindən 2006-cı ildə qəbul olunmuş Dövlət Proqramı bu problemin həlli üçün geniş imkanlar yaradıb”-deyə, nazirliyin baş mütəxəssisi əlavə edib.
Konfransda həmçinin o da vurğulanıb ki, Bakı şəhəri və regionlarda 2150 xəstə hemodializ müalicəsi qəbul edir.