Azərbaycanlı cinsi azlıqlar Türkiyədə

İstanbulda “1 Sentyabr Beynəlxalq Sülh günü” ilə əlaqədar aksiya keçirilib.

Lent.az-ın məlumatına görə, aksiyada Azərbaycandan Nəfəs LGBT də iştirak edib. Təşkilatın sədri Cavid Nəbiyevin sözlərinə görə, onlar aksiyada “Tanrı hər kəsi olduğu kimi sevir!” plakatını tutaraq İsa Şahmarlının sülh mesajını o meydandan bütün Azərbaycana göndəriblər: “Çox təəssüf edirik ki, Azərbaycanda deyil də, Türkiyədə bu hüququmuzdan yararlana bildik. Nifrət etmək, öldürmək, təhqir etmək əxlaqdırsa, biz bir əxlaqsızıq. Biz bu cür əxlaqı heteroseksist cəmiyyətlə bölüşə bilmərik. Bizim istəyimiz sülhdür, qəbul edilməyimizdir. Döyülməyimizi, işdən qovulmağımızı, ailəmizdən qovulmağımızı, təhqir edilməyimizi istəmirik. Digər insanlar kimi hüquqların təmin edilməsini istəyirik. Sadəcə sülh içimizdəki nifrət hissinə qalib gələ bilər. Unutmayın biz təkcə gay, lezbiyan, biseksual, transeksual, travesti adlandırdığınız insanlar deyilik. Biz sizin qardaşınız, bacınız, dostunuz, iş yoldaşınız, müəlliminiz, hüquqşunasınız, polisiniz, dövlət məmurunuz, bir sözlə sizin içinizdən olan biriyik. Bizi özünüzdən ayıra bilməyəcəksiniz, bu mümkünsüzdür, biz hər yerdəyik!”