Nazir: “Ali məktəblərə muxtariyyət hesabatlılığı artıracaq”
25 oktyabr 2013 13:01 (UTC +04:00)

Nazir: “Ali məktəblərə muxtariyyət hesabatlılığı artıracaq”

Ümumilikdə bir sıra məsələlərdə ali məktəblərə artıq muxtariyyət verilib. Muxtariyyətin verilməsi hesabatlılığın azaldılması deyil, çoxaldılması deməkdir”. Lent.az-ın xəbərinə görə, bunu Mikayıl Cabbarov jurnalistlərə açıqlamasında “Azərbaycan Respublikasında təhsilin inkişafı üzrə Dövlət Strategiyası”nda təhsil müəssisələrinə idarəetmə, akademik, maliyyə və təşkilati muxtariyyət verilməsi məsələsinə münasibət bildirərkən deyib. M. Cabbarov qeyd edib ki, bu prizmadan aparıcı təhsil sistemlərinin uğurlu təcrübəsi yaxından öyrənilməlidir. Nazir vurğulayıb ki, ali məktəblərə muxtariyyətin verilməsi təhsil ocaqlarının mülkiyyət formasından asılı olmayaraq idarəetmə modellərinin təkmilləşdirilməsi, onların fəaliyyətinin şəffaflığının və səmərəliliyinin təmin edilməsi, ali təhsil müəssisələrinin tədris proseslərinin keyfiyyətinin yüksəldilməsi hesabına məzunlarımızın bilik səviyyəsinin, peşəkar bilik və bacarıqlarının artırılmasına xidmət edəcək.

M. Cabbarov Azərbaycanda Təhsilin İnkişafı Fondunun yaradılması məsələsinə də münasibət bildirib. O qeyd edib ki, fondun yaradılması ümumilikdə təhsilin bütün pillələrinin inkişafına şərait yaradacaq.

# 1050

Oxşar yazılar