MTRŞ: “Bəzi telekanallar reklamlarla bağlı qanun pozuntularına yol verir”
13 dekabr 2013 13:43 (UTC +04:00)

MTRŞ: “Bəzi telekanallar reklamlarla bağlı qanun pozuntularına yol verir”

MTRŞ-nın sədr müavini Qafar Cəbiyev bəzi televiziya verilişlərində sponsorların təbliğ edilməsinə geniş yer ayrılması məsələsinə münasibət bildirib. Lent.az-ın məlumatına görə, o jurnalistlərə açıqlamasında qeyd edib ki, bu məsələ bilavasitə MTRŞ-nın fəaliyyət dairəsinə aiddir: “Reklamlarla və sponsorlarla bağlı qanunvericilikdə konkret tələblər mövcuddur. Bu həddi heç bir telekanalın aşmağa ixtiyarı yoxdur”.

MTRŞ rəsmisi təəssüflə vurğulayıb ki, bəzi telekanallarda reklamlarla bağlı qanun pozuntularına yol verilir: “Sponsorların elan edilməsi ilə bağlı müəyyən normalar aşılır. Yəni bu cür hallar mövcuddur. Bununla bağlı adekvat tədbirlər görürük”.

MTRŞ sədr müavini həmçinin onu da vurğulayıb ki, telekanallarda uşaq verilişlərinin həcmi və keyfiyyəti artırılmalıdır: “MTRŞ olaraq belə hesab edirik ki, Azərbaycanda uşaq kanalının yaradılması hələ tezdir. Onu da qeyd edim ki, bu sahə dövlətin nəzarətində olası sahədir”.

Q. Cəbiyevin sözlərinə görə, MTRŞ-nın mövqeyi ondan ibarətdir ki, ilk növbədə AzTV və İTV uşaq proqramlarının sayını artırmalı və özəl kanallar da bu məsələni diqqətdə saxlanılmalıdır.

# 629

Oxşar yazılar