Komitə sədri: “44 metr ərazinin İrana verilməsi barədə xəbərlər əsassızdır”

“İran mətbuatında Azərbaycanın sərhəd hissəsində 44 metr ərazisinin həmin ölkəyə verilməsi barədə yayılan xəbərlər əsassızdır”. Lent.az-ın məlumatına görə, bunu Dövlət Torpaq və Xəritəçəkmə Komitəsinin sədri Qərib Məmmədov jurnalistlərə açıqlamasında deyib. Onun sözlərinə görə, hazırda Azərbaycanla (Ordubad) İran (Mazarad) arasında su elektrik stansiyasının tikilməsi ilə bağlı məsələyə baxılır: “Mənim müavinim bu yaxınlarda İranda olub. Orada sərhədlərdən 44 metr alınması-verilməsi söhbəti yoxdur. Sadəcə iki ölkə arasında su elektrik stansiyasının tikilməsi üçün torpaq sahəsinin ayrılması və bunun üçün sərhəd məsələsinə baxılır. Bununla bağlı sərhədlərdə heç bir dəyişiklik olmayacaq. Bizim tərəfdə Ordubad, İran tərəfdə isə Mazarad arasında su elektrik stansiyası tikiləcək”.