Fövqəladə hallar naziri Kəmaləddin Heydərov BMT-nin Azərbaycana yeni təyin olunmuş rezident əlaqələndiricisi, BMT İnkişaf Proqramının (İP) rezident nümayəndəsi Antonius Bruklə görüşüb. Lent.az-n Fövqəladə Hallar Nazirliyinin (FHN) saytına istinadən verdiyi məlumata görə, K. Heydərov FHN və onun tabeliyində olan qurumların fəaliyyəti haqqında ətraflı məlumat verib, həmçinin, nazirliklə BMT-nin müvafiq qurumları arasındakı ikitərəfli əlaqələrin səviyyəsindən məmnunluq ifadə edib və əməkdaşlıq imkanlarından geniş istifadə olunmasının zəruriliyini qeyd edib.
Öz növbəsində, qonaq aidiyyəti qurumların əməkdaşlıq əlaqələrinin daha da dərinləşməsi üçün birgə səylərin davam etdiriləcəyinə əminliyini bildirib.
Görüş zamanı FHN-lə BMT İP arasında imzalanmış “Böyük Qafqaz regionunda zəif dağ icmaları tərəfindən su və daşqınlar üzrə idarəetməyə iqlim dəyişikliyi risklərinin daxil edilməsi” layihəsinin icrasının gedişatı ilə bağlı bir sıra məsələlər də müzakirə olunub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
