İyunun 18-dəki buraxılış imtahanlarının nəticələri açıqlandı

Tələbə Qəbulu üzrə Dövlət Komissiyası (TQDK) 18 iyun tarixində keçirilmiş buraxılış imtahanlarının nəticələrini elan edib. TQDK-dan Lent.az-a verilən xəbərə görə, imtahanda iştirak etmiş şagirdlər imtahan nəticələri ilə iş nömrələrini 7727 nömrəsinə göndərməklə və TQDK-nın internet saytında http://eservices.tqdk.gov.az/netorta/ keçidinə daxil olmaqla tanış ola bilər.

IX sinif şagirdlərinin fənlər üzrə düzgün cavablarının sayının 5 ballıq qiymət şkalasına (2,3,4,5) uyğunluğu aşağıdakı cədvəldə təqdim olunur:

Qiymət	Fənlər üzrə düzgün cavabların sayı
Qiymət	Ana dili (Azərbaycan bölməsi)	Ana dili (rus bölməsi)	Riyaziyyat
2	0-7	0-7	0-7
3	8-16	8-16	8-16
4	17-23	17-23	17-22
5	24-30	24-30	23-30

XI sinif şagirdlərinin fənlər üzrə düzgün cavablarının sayının 5 ballıq qiymət şkalasına (2,3,4,5) uyğunluğu aşağıdakı cədvəldə təqdim olunur:

Qiymət	Fənlər üzrə düzgün cavabların sayı
Qiymət	Ana dili (Azərbaycan bölməsi)	Ana dili (rus bölməsi)	Riyaziyyat
2	0-7	0-7	0-7
3	8-17	8-17	8-16
4	18-25	18-25	17-24
5	26-30	26-30	25-30

TQDK 9 illik bazada kolleclərə qəbul olmaq istəyən abituriyentlərin nəzərinə çatdırır ki, istər 9-cu sinfi bu il bitirən, istərsə də əvvəlki illərin məzunları üçün hər bir fənn üzrə abituriyentin balları hesablandıqda hər düzgün cavab 1 balla qiymətləndirilir. Abituriyentin ümumi balı hər bir fənn üzrə topladığı balların cəmi əsasında müəyyənləşir və toplanıla bilən maksimal bal 60-a bərabər olur.

İxtisas seçimi iyulun 2-dən 10-dək həyata keçiriləcək. İxtisas seçiminə ümumi balı 16-dan və hər bir fənn üzrə balı 8-dən az olmayan abituriyentlər buraxılır.

Daha ətraflı məlumatlar 3 saylı "Abituriyent" jurnalında dərc olunub.