Əlillərin istedad və qabiliyyətinin aşkara çıxarılması məqsədi ilə Əmək və Əhalinin Sosial Müdafiəsi Nazirliyi ümumrespublika tədbirləri keçirir. Bu barədə Lent. az-a nazirlikdən məlumat verilib.
Bu tədbirlərin davamı olaraq, noyabrın 3-cü ongünlüyündə Əlillərin VI Ümumrespublika bədii yaradıcılıq baxış-müsabiqəsinin yekun turunun keçirilməsi nəzərdə tutulur. Artıq müsabiqənin Təşkilat komitəsinin və Münsiflər heyətinin tərkibi təsdiq edilib.
Yekun turda iştirak edəcək istedadlı əlillərin müəyyən olunması üçün 8 bölgədə - Bakı, Naxçıvan, Gəncə, Mingəçevir, Şəki, Lənkəran, Sabirabad və Xaçmaz şəhərlərində zona müsabiqələrinin keçirilməsinə hazırlıq işləri aparılır. Respublikanın ayrı-ayrı bölgələrində yaşayan 506 nəfər istedadlı əlilin qeyd olunan zona müsabiqələrində iştirakı nəzərdə tutulur.
Onu da bildirək ki, baxış-müsabiqəsində əlillərin mahnı, muğam, rəqs , instrumental ifaçılıq, bəstəkarlıq, folklor yaradıcılığı, poeziya və bədii qiraət sahəsindəki istedadları nümayiş etdirəcək.
Əlillərin VI Ümumrespublika bədii yaradıcılıq baxış-müsabiqəsinin təşkilinə Mədəniyyət və Turizm Nazirliyi tərəfindən yaxından köməklik göstərilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
