Gənclər üçün Təhsil Mərkəzi hər il olduğu kimi müxtəlif regionlardan olan gənclərin yay düşərgələrinin təşkilinə başlayıb.
Bu il Mərkəz ilk olaraq, Mingəçevir Regional Ofisinə üzv olan gənclərin Zaqatalada yay düşərgəsini təşkil etməyə başlayıb. Təşkil edilən düşərgələrin əsas məqsədi Mərkəzin işində fəallıq göstərən ictimai aktiv gəncləri bir araya gətirmək və onların təbiət qoynunda asudə vaxtlarının səmərəli təşkilinə kömək etməkdir.
Bir neçə gün davam edəcək düşərgədə gənclər üçün müxtəlif oyun, yarış və müsabiqələrin təşkil edilməsi, vətəndaş cəmiyyətinin inkişafına yönəlmiş müzakirələrin aparılması nəzərdə tutulur.
Mərkəzin Mingəçevir Regional Ofisinin rəhbəri Tural Kərimovun verdiyi məlumata görə bundan sonra yay düşərgələrinin sayı artırılacaq və daha çox gəncin bu imkandan yararlanmasına köməklik göstəriləcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
