Buraxılış və qəbul imtahanlarının vaxtı açıqlandı

Azərbaycanda keçiriləcək buraxılış imtahanlarının vaxtı açıqlanıb. Lent.az-ın məlumatına görə, TQDK sədri Məleykə Abbaszadə keçirdiyi mərtbuat konfransında bildirib ki, birinci istiqamət üzrə buraxılış imtahanlarə iyunun 8-də Bakı, Sumqayıt və Abşeronda keçiriləcək. “İkinci istiqamət üzrə imtahanlar iyunun 13-də, 3-cü istiqamət üzrə iyunun 18-də, 4-cü istiqamət üzrə isə iyunun 24-də keçiriləcək. Eksternat imtahanlar isə iyunun 29-da keçiriləcək”.

Buraxılış imtahanları iyunun 8-də Bakı, Sumqayıt, Abşeronda (rus bölməsi Bakı, Sumqayıt, Abşeron, Gəncə, Mingəçevir, Lənkəran, Quba, Qusar, Xaçmaz, zaqatala və Balakəndə), iyunun 13-da Naxçıvan MR, Lənkəran, Astara, Masallı, Lerik, Yardımlı, Cəlilabad, Biləsuvar, Şirvan, Hacıqabul, İmişli, Saatlı, Sabirabad, Salyan, Neftçala, Füzuli, Beyləqan, Xocavənddə, iyunun 18-də Ağcabədi, Ağdam, Bərdə, Göyçay, Tərtər, Zərdab, Ucar, kürdəımir, Ağdaş, Yevlax, Ağsu, İsmayıllı, Şamaxı, Qobustan və Şimal rayonlarında, iyunun 24-də Gəncə, Daşkəsən, Göygöl, Samux, Naftalan, Goronboy, Şəmkir, Gədəbəy, Ağstafa, Qazax, Tovuz, Şəki, Balakən, Qax, Qəbələ, Zaqatala və Mingəçevirdə keçiriləcək.

Bu ilin məzunları üçün ali məktəblərə qəbul imtahanları I və IV qruplar üzrə iyulun 12-də, II və III qruplar üzrə isə iyulun 20-də keçiriləcək.

Əvvəlki illərin məzunları üçün qəbul imtahanı II və III qruplar üzrə mayın 11-də, I və IV ixtisas qrupları üzrə mayın 18-də olacaq.