BDU-da Heydər Əliyevin 91 illik yubileyi qeyd olunub

Bu gün Bakı Dövlət Universitetində (BDU) ümummilli lider Heydər Əliyevin anadan olmasının 91-ci il dönümünə həsr olunmuş tədbir keçirilib. BDU–nun mətbuat və informasiya şöbəsindən Lent.az-a verilən xəbərə görə tədbiri giriş sözü ilə açan universitetin rektoru, akademik Abel Məhərrəmov ulu öndərin vətən, xalq qarşısındakı tarixi xidmətlərindən bəhs edib: “Ulu öndərin 91 illik yubileyi ilə əlaqədar keçirilən müxtəlif tədbirlərlə Azərbaycan xalqı dövlətçiliyin, milli-mənəvi dəyərlərin qorunub saxlanması, azərbaycançılığın güclənməsi, ölkənin inkişafı müstəvisində hesabatlar verir. Bakı Dövlət Universiteti də bu yubiley tədbirlərinə qoşulur. Xoşbəxt o xalqdır ki, onun ümummilli lideri var. Xalq o vaxt daha da xoşbəxt olur ki, bir siyasi kurs ölkədə uğurla davam etdirlir. Biz eyni zamanda fəxr edirik ki, Heydər Əliyev Bakı Dövlət Universitetinin məzunu və fəxri doktoru olub”.

Daha sonra Azərbaycan Respublikası Prezidenti Administrasiyasının ictimai-siyasi məsələlər şöbəsinin müdiri, professor Əli Həsənov “Heydər Əliyev: Azərbaycanın XXI əsrdə əsas geosiyasi vəzifələri” mövzusunda məruzə edib.

BDU-nun Gənc Alimlər Şurasının ümummilli lider Heydər Əliyevin anadan olmasının 91-ci ildönümü münasibətilə elan etdiyi müsabiqə qalibləri mükafatlandırıldıqdan sonra Əli Həsənovun iştirakı ilə onun müəllifi olduğu “Geosiyasət” kitabı universitetə və BDU-nun beynəlxalq münasibətlər fakültəsinin tələbələrinə hədiyyə edilib.