“Ölkəmizdə uşaqlar arasında nevroloji xəstəliklər artmayıb”. Bunu Lent.az-a açıqlamasında respublikanın baş pediatrı Nəsib Quliyev son zamanlar cəbhə bölgəsində yaşayan uşaqlarda nevroloji xəstəliklərin artmasına münasibət bildirərkən deyib. Onun sözlərinə görə, cəbhə bölgələrində uşaqlarda nevroloji xəstəliyin olması təbiidir: “Hər gün güllə səsi eşidən uşaq necə olmalıdır? Onlarda bu cür xəstəliyin olması təbiidir”.
Baş pediatr onu da vurğulayıb ki, ölkəmizdə uşaqlarda əsasən tənəffüs xəstəliklərinə və həmçinin yeni doğuş zamanı yaranan xəstəliklərə rast gəlinir.
N. Quliyev uşaqların peyvənd olunması məsələsinə də aydınlıq gətirib. “Uşaqlarda peyvəndin aparılması vacibdir. Çox təəssüf ki, bəziləri peyvənd haqqında yalnış fikirlər səsləndirirlər. Eyni zamanda, bəzi valideynlər uşaqlarını peyvənd etmək istəmirlər. Onlar başa düşmür ki, bununla uşaqların hüquqlarını pozmuş olurlar”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
