Bakı və Abşeron yarımadasında martın 18-də havanın dəyişkən buludlu olacağı, əsasən yağmursuz keçəcəyi gözlənilir. Bu barədə Lent.az-a Ekologiya və Təbii Sərvətlər Nazirliyinin Milli Hidrometeorologiya Departamentindən məlumat verilib. Güclü şimal-qərb küləyi günün birinci yarısında mülayimləşəcək, günün ikinci yarısında isə güclü cənub-qərb küləyi ilə əvəz olunacaq.
Havanın temperaturu gecə 4-9 dərəcə isti, gündüz 11-16 dərəcə isti olacaq.
Azərbaycanın rayonlarında havanın əsasən yağmursuz keçəcəyi, lakin cənub və qərb rayonlarında az yağıntılı olacağı gözlənilir. Bölgələrdə duman olacaq. Güclü qərb küləyi əsəcək. Temperatur gecə 5-10, gündüz 15-20 dərəcə isti olacaq. Dağlarda isə gecə 2-7, gündüz 12-17 dərəcə isti olacağı gözlənilir.
Yaxın 3 gün ərzində Abşeron yarımadasında atmosfer təzyiqinin xeyli tərəddüdü, güclü cənub-qərb və şimal-qərb küləklərinin tez-tez bir-birini əvəz edəcəyi gözlənilir ki, bu da meteohəssas insanlarda diskomfort hissi yarada bilər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
