Səhiyyə Nazirliyinin Respublika QİÇS-lə Mübarizə Mərkəzi və Bakı Beynəlxalq Avtovağzal Kompleksi ilə birlikdə İnsanın İmmun Çatışmazlığı Virusu (İİV) ilə bağlı maarifləndirmə və müayinə tədbiri keçirib.
Bu barədə Lent.az-ya qurumun mətbuat katibi Pərvin Məmmədova məlumat verib.
Xəbərə görə, Bakı Beynəlxalq Avtovağzal Kompleksində QİÇS-lə Mübarizə Mərkəzinin səyyar Könüllü Müayinə və Məsləhət məntəqəsi təşkil olunub. Səyyar məntəqədə həm sərnişinlər, həm də işçilər üçün pulsuz İİV-ə ekspres-testdən keçmək imkanı yaradılıb.
Sözügedən tədbir “Avropa İİV-ə testləşmə həftəsi” kampaniyası çərçivəsində baş tutub.
Tədbirin əsas məqsədi müayinə aksiyaları keçirməklə xəstəliyə yoluxan insanları maksimal dərəcədə aşkarlamaq, tez bir zamanda müalicəyə cəlb etmək, eləcə də virusun yayılmasının qarşısını almaq və əhalinin sağlam həyat tərzi barədə biliklərini artırmaqdır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
