Bu gün Azərbayan Dövlət İqtisad Universitetinin (ADİU) rektoru, professor Ədalət Muradov Almaniya Beynəlxalq Əməkdaşlıq Cəmiyyətinin (GİZ) Azərbaycan nümayəndəliyinin rəhbəri Henninq Tvesten ilə görüşüb. ADİU-nun mətbuat xidmətindən Lent.az-a verilən xəbərə görə ADİU ilə GİZ arasında potensial əməkdaşlıq imkanları, Almaniya ali təhsil sisteminin təcrübəsinin öyrənilməsi və bu sahədə birgə monitorinqin təşkili görüşün əsas müzakirə mövzusu olub.
Görüşdə Almaniya universitetləri ilə əməkdaşlığın genişləndirilməsi, tələbə -müəllim mübadiləsinin aparılması, ikili diplom layihəsinin reallaşması ilə bağlı fikir mübadiləsi də aparılıb.
Sonda Henninq Tvesten ADİU mütəxəssislərini may ayında Azərbaycanda keçiriləcək “Biliklərin inkişafı və iqtisadi diversifikasiya” mövzusunda seminara dəvət edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
