"Nə? Harada? Nə zaman?" üzrə IV Çağırış Kuboku lisenziyalaşdırıldı

"Nə? Harada? Nə zaman?" Klublarının Beynəlxalq Assosiasiyası (KBA) VI Çağırış Kubokunun təşkili üçün lisenziya verdi. Xəzər İntellektual Gənclər Klubundan Lent.az-a verilən məlumata görə, bu barədə açıqlamanı "Nə? Harada? Nə zaman?" Klublarının Beynəlxalq Assosiasiyasının Lisenziya komitəsinin rəhbəri Aleksandr Druz verib. Turnirin lisenziya alması yarışda iştirak edəcək komandaların beynəlxalq reytinqdə müvafiq xallar alacağı ilə nəticələnəcək. Bu da öz növbəsində Azərbaycan komandalarının beynəlxalq reytinqdə irəliləməsinə imkan yaradacaq.

Qeyd edək ki, "Nə? Harada? Nə zaman?" oyunu üzrə VI Çağırış Kuboku Azərbaycan Respublikası Prezidenti yanında Gənclər Fondunun maliyyə dəstəyi ilə Azərbaycan İntellektual Oyunlar Federasiyası, Azərbaycan Müəllimlər İnstitutu ,“İrəli” İctimai Birliyi, “Xəzər” İntellektual Gənclər Klubu və MFX Group-un birgə təşkilatçılığı ilə keçiriləcək. Layihənin seçim turları 16 noyabrda Bakıda, 23 noyabrda isə ölkəmizin müxtəlif regionlarında təşkil olunacaq. Seçim turlarında ən yaxşı nəticə göstərən 60 komanda "Nə? Harada? Nə zaman?" intellektual oyunu üzrə VI Çağırış Kubokunun Bakıda təşkil olunacaq finalına vəsiqə qazanacaq. Turnirdə 1989-cu ilin 1 sentyabrından sonra doğulmuş şəxslər iştirak edə bilərlər.

Yarışda iştirak üçün bu linkdən istifadə edərək qeydiyyatdan keçmək mümkündür.

http://telebe.az/nə-harada-nə-zaman-oyunu-uzrə-vi-cagiris-kuboku/