“Məktəbəqədər təhsilə dair özəl sektorun təşəbbüsləri dəstəklənəcək”

Azərbaycanda təhsil sisteminin məktəbəqədər sektorunda çatışmayan infrastrukturun yaradılması yollarını ənənəvi olduğu kimi yalnız dövlət resursları hesabına deyil, özəl sektorla əməldaşlığın genişlənməsində axtarmaq lazımdır. Lent.az-ın məlumatına görə, təhsil naziri Mikayıl Cabbarov jurnalistlərə açıqlamasında bildirib ki, məktəbəqədər təhsil sahəsinə özəl sektorun marağı olduğu təqdirdə, bu təşəbbüsləri Təhsil Nazirliyi dəstəkləmək niyyətindədir. Nazirin sözlərinə görə, bunun üçün Azərbaycan Respublikasının qanunvericiliyi də təkmilləşdirilir: “Burada əsas məsələ həmin müəssisələrin və müraciət edən tərəflərin Azərbaycanın Təhsil Qanunvericiliyinə uyğun olaraq, bütün proqrama, tələb və standartlara cavab verməsi olacaq. Azərbaycan Respublikasında təhsilin inkişafı üzrə Dövlət Strategiyasında məktəbəqədər təhsilin məktəbəqədər hazırlıq təhsilinin icbari olması, çatışmayan infrastrukturun yaradılması məsələsi də nəzərdə tutulur”.