“Gənclik”dəki yeraltı keçid oktyabrda hazır olacaq

Nəqliyyat Nazirliyi “Azəryolservis” ASC Bakının Nərimanov rayonunun Fətəli xan Xoyski prospektində inşa edilən yeraltı piyada keçidinin tikintisinin cari ilin oktyabr ayında başa çatdırılması planlaşdırılır. Bu barədə Lent.az-a “Azəyolservisin”in mətbuat xidmətindən məlumat verilib.

Yeni yeraltı piyada keçidin bir giriş-çıxışı İdman Akademiyası, digəri isə “Caspian Shop” Ticarət Mərkəzi istiqamətinə olacaq. Keçidin uzunluğu 90 m, eni 4,7 m, hündürlüyü isə 3 m təşkil edəcək. Artıq yolun hərəkət hissəsinə düşən tunelin betonlanması işləri başa çatdırılıb.

Hazırda istinad divarlarının betonlanması və örtüyün hidroizolyasiyası işləri gedir.