“Nəqliyyat Nazirliyinin "Azəryolservis" ASC-nin tabeliyində olan avtomobil yolları, körpülər və yol qurğularında nəqliyyat vasitələrinin təhlükəsiz və fasiləsiz hərəkətini təmin etmək məqsədilə bütün texnikalar tam hazır vəziyyətə gətirilib”. Bunu Lent.az-a Cəmiyyətin mətbuat xidmətinin rəhbəri Pünhan Mürsəliyev bildirib.
Onun sözlərinə görə, 25 min kub metrə yaxın qum, 100-ə yaxın texnika tam hazır vəziyyətə gətirilib. “Artıq “Azəryolservis” ASC-də xüsusi qərargah da yaradılıb. Həmçinin, ASC tərəfindən payız-qış mövsümü ilə bağlı əmr hazırlanaraq bütün yol istismar idarələrinə göndərilib. Hər bir istismar müəssisəsində də tədbirlər planı hazırlanaraq əmrdən irəli gələn vəzifələrin icrasına başlanılıb. 24 saat fəaliyyət göstərən növbətçilik təşkil olunub”.
Mətbuat katibinin sözlərinə görə, bütün proses Nəqliyyat Nazirliyinin tam nəzarətindədir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
