Bu gün Azərbaycan prezidenti İlham Əliyevin iştirakı ilə jurnalistlər üçün tikilmiş binanın açılışı olub.
APA-nın xəbərinə görə, mənzillə təmin olunan jurnalistlər arasında “APA Holdinq”in əməkdaşları da var.
Holdinqin vitse-prezidenti Vüqar Məsimoğlu, “Vesti.az” agentliyinin baş direktoru Araz Zeynalov, APA Agentliyinin müxbiri Rəşad Süleymanov, Lent.az agentliyinin müxbiri Ramiz Mikayıloğlu və “Vesti.az” agentliyinin müxbiri Bəhram Batıyev jurnalistlər üçün tikilmiş binada evlə təmin olunublar.
Qeyd edək ki, “lent.az”ın yazarı, APA TV-nin layihə rəhbəri, Qarabağ qazisi Rey Kərimoğlu da mənzillə təmin olunub. Onun evlə təmin edilməsi ilə bağlı müraciət isə əməkdaşlıq etdiyi Beynəlxalq Avrasiya Mətbuat Fondu tərəfindən edilib.
“APA Holdinq” bu diqqət və qayğıya görə, ölkə rəhbəliyinə, şəxsən Azərbaycan prezidenti İlham ƏIiyevə minnətdarlığı bildirir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
