“ASAN Könüllüləri” Gənclər Təşkilatı ümummilli lider Heydər Əliyevin anım günü münasibəti ilə maraqlı yürüş keçiriblər. Belə ki, “ASAN Könüllüləri” Gənclər Təşkilatının sədri Fərid Sadıxlı və Beynəlxalq Əlaqələr şöbəsinin rəhbəri Məhəmməd İbrahimov Azərbaycanın ən yüksək yaşayış məntəqəsi olan Xınalıq kəndindən piyada start götürərək, 3751 metr hündürlükdə yerləşən Heydər Əliyev zirvəsini fəth ediblər.
Lent.az-ın “ASAN Könüllüləri” Gənclər Təşkilatına istinadən məlumatına görə, Könüllülər ümummilli liderə gənclərin böyük ehtiramının əlaməti kimi “ASAN Könüllüləri" Gənclər Təşkilatının və "ASAN xidmət”-in bayraqlarını dalğalandırıblar.
“ASAN Könüllüləri” Gənclər Təşkilatının sədri Fərid Sadıxlı və Beynəlxalq Əlaqələr şöbəsinin rəhbəri Məhəmməd İbrahimov ümummilli lider Heydər Əliyevin 91 illik yubileyi münasibəti ilə Heydər Əliyev zirvəsinə (3751 m) müvəffəqiyyətlə yürüş etdiklərinə görə Azərbaycan Hava və Ekstremal İdman növləri Federasiyası tərəfindən sertifikatla təltif edilmişdir.
“ASAN Könüllüləri” Gənclər Təşkilatı bundan sonra da ümummilli lider Heydər Əliyevi anma münasibəti ilə müxtəlif maraqlı tədbirlər keçirməyi planlaşdırır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
