İcra hakimiyyəti jurnalistləri mükafatlandırdı

Binəqədi Rayon İcra Hakimiyyətinin inzibati binasında 2013-cü ilin yekunlarına dair hesabat yığıncağı keçirilib. Lent.az-a Rayon İcra Hakimiyyətindən verilən məlumata görə, tədbirdə Prezident Administrasiyasının məsul əməkdaşı Tağı Tağıyev, deputatlar Madər Musayev, Rəfael Cəbrayılov, Bakı şəhəri üzrə Təhsil İdarəsinin müdir müavini Hüseyn Əsgərov, Azərbaycan Mətbuat Şurasının sədri Əflatun Amaşov, Bakı şəhər icra hakimiyyətinin məsul əməkdaşı Ramiz Quliyev, RİH başçısının müavinləri, RİH başçısı Aparatının məsul işçiləri, rayon icra strukturlarının rəhbərləri və rayon ictimaiyyətinin nümayəndələri iştirak ediblər.

Rayon icra hakimiyyətinin başçısı Xaləddin İsgəndərov hesabat məruzəsi ilə çıxış edərək, 2013-cü ildə prezident İlham Əliyevin rəhbərliyi ilə respublikada bütün sahələrdə əldə olunmuş uğurlardan, Bakı şəhəri və onun ətraf qəsəbələrinin, eləcə də regionların sosial-iqtisadi inkişafı istiqamətində görülmüş işlərdən bəhs edib.

X.İsgəndərov konkret statistik rəqəmlər əsasında 2013-cü ildə rayonda sosial-iqtisadi və abadlıq-quruculuq sahəsində görülmüş işlərdən, əldə edilmiş uğurlardan danışdı. Vətəndaşların sosial rifahının, həyat səviyyəsinin yüksəlməsinə xidmət edən ötən il reallaşdırılmış tədbirlərdən danışan X.İsgəndərov şəffaflığının və vətəndaş məmnunluğunun təmin edilməsi məqsədilə elektron hökumətin yaradılması istiqamətində görülmüş işləri qeyd edib. RİH başçısının hesabat məruzəsindən sonra RİH başçısının müavini Aygün Əliyeva və Bakı Pedoqoji Kadrların İxtisasartırma və Yenidən Hazırlanması İnstitutunun rektoru Asəf Zamanov çıxış ediblər.

Prezidenti Administrasiyasının məsul əməkdaşı Tağı Tağıyev çıxış edərək prezident İlham Əliyevin rəhbərliyi ilə ölkədə gedən hərtərəfli və sürətli tərəqqidən danışıb. Daha sonra Binəqədi Rayon İcra Hakimiyyəti təşkil etdiyi fərdi jurnalist yazıları müsabiqəsinin qalibləri mükafatlandırılıb.