3 telekanalda Bədii Şura yaradılıb

Artıq Azərbaycanda 3 telekanalda Bədii Şura yaradılıb. Bu barədə Lent.az-a açıqlamasında Milli Televiziya və Radio Şurasının sədri Nuşirəvan Məhərrəmli deyib. Onun sözlərinə görə, artıq ANS kanalı da Bədii Şuranın yaradılması barədə Şuraya məlumat verib: “Lakin bu kanalda olan Yaradıcılıq Şurasıdır. Orada yalnız rəhbərlik təmsil olunur. Onlar bu şuranı Bədii Şura kimi təqdim edib bizə göndəriblər. Hesab edirik ki, bu, çox ciddi məsələdir. Bədii Şurada mütəxəsislərin olması daha məqsədəuyğundur. Hər kanalın rəhbərliyindən ibarət şuranın yaradılması doğru deyil. Əgər mütəxəssis olsaydılar, onların telekanallarında elə problemlər olmazdı. Dillə bağlı bu və ya digər dərəcədə əksər telekanallarda problemlər var”.