Televiziya və radiolara maliyyə dəstəyi artırılır

Televiziya və radiolara maliyyə dəstəyi artırılacaq

“Televiziya və radiolarda peşəkar təhlil materialları çox aşağı səviyyədədir”.

Bunu Audiovizual Şuranın sədri İsmət Səttarov deyib.

İsmət Səttarov

"Gələcəkdə televiziya və radiolarımızda geniş, dərin, peşəkar təhlil materialları görmək istərdik", - deyə, sədr qeyd edib.

“Azərbaycanda yerli cizgi filmləri yoxdur”

“Azərbaycanda yerli istehsal animasiya, cizgi filmləri yoxdur”. İsmət Səttarov deyib ki, bunun əsas səbəbi bu kontentin yaradılmasının çox baha başa gəlməsidir.

"Biz çox istərdik ki, ölkəmizdə yenə "Tıq-Tıq" xanım kimi cizgi filmləri yaransın".

Televizya və radiolara maliyyə dəstəyi təklifi hazırlanır

İsmət Abbasov onu da deyb ki, Azərbaycanda radio və televiziyalar üçün bu il ayrılacaq əlavə maliyyə dəstəyi ilə bağlı təkliflər hazırlanır: "Hər il televiziyalarda və radiolarda gəlirlər, təxminən, bir faiz aşağı düşür. Bunun səbəbi reklamverənlərin sosial şəbəkələrə yönəlməsidir".

Televizyalarda işarət dili nə vaxtdan tətbiq ediləcək?

Audiovizual Şuranın sədri bu ildən dövlət tərəfindən maliyyələşən kanallarda surdotərcüməçiliyin (red. işarət dili) tətbiq ediləcəyini də deyib. O bildirib ki, bu istiqamətdə işlər gedir.

İsmət Səttarov qeyd edib ki, buna Milli Məclisdə müzakirə edildikdən sonra qərar veriləcək: "Azərbaycanda surdotərcümə çox azdır. Gələcəkdə özəl kanallarda da surdotərcüməçiliyin tətbiq edilməsi ola bilər".