Şəkinin Kiçik Dəhnə kəndində 15 yaşlı qızın ərə verilməsinin qarşısı alınıb.
Bu barədə Lent.az-a Ailə, Qadın və Uşaq Problemləri üzrə Dövlət Komitəsinin informasiya və analitik araşdırmalar şöbəsinin müdiri Elgün Səfərov məlumat verib.
O bildirib ki, uşaq nikahının qarşısı komitə ilə birlikdə Sabunçu Rayon İcra Hakimiyyəti yanında Yetkinlik yaşına çatmayanların işləri və hüquqlarının müdafiəsi üzrə komissiyasının nümayəndələri ilə birlikdə alınıb: "Yeniyetmə ailəsinə təhvil verilib və ailə nəzarətə götürülüb. Sözügedən yeniyetmə Şəkidə oxuduğu məktəbdə təhsilini davam etdirəcək".
E.Səfərov onu da vurğulayıb ki, ailə uzun müddət hələ nəzarət altında olacaq.
Xatırladaq ki, bir neçə gün bundan əvvəl sosial şəbəkələrdə Şəkinin Kiçik Dəhnə kəndində 15 yaşlı qızın ərə verilməsi ilə bağlı videogörüntülər yayılıb. Şəki Şəhər Rayon Polis Şöbəsində bununla bağlı araşdırma aparılıb və 15 yaşlı M.H ilə 1991-ci il təvəllüdlü M.S-nin evləndirilməsi faktı öz təsdiqini tapıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
