Şəhid Nuri Özcanın atasının bu sözləri ürək dağladı: "Ən böyük təsəllim..." - VİDEO

Gürcüstan-Azərbaycan sərhədində qəzaya uğrayan C130 tipli hərbi yük təyyarəsində şəhid olan və Türkiyənin Karabük bölgəsində yaşayan Təyyarə Baxımı Baş Çavuş Nuri Özcanın atasının bu sözləri hər kəsi göz yaşına boğub.

Lent.az xarici KİV-ə istinadən xəbər verir ki, Şirinevler məhəlləsində evinin qarşısında qurulan çadırda başsağlığı qəbul edən 78 yaşlı ata bu sözləri deyib:

"Əvvəlcə ölkəyə təşəkkür edək. O mənim üçün çox şey deməkdir. Mekanı cənnət olsun. Oğlum mükəmməl insan idi".

Şəhidlik xəbərini İzmirdə yaşayan oğlundan öyrəndiyini bildirən Özcan, şəhidin dəfn mərasiminin Karabükdə olacağını bildirib. Dörd övladı olduğunu bildirən Özcan, “Onlardan biri İmam Hatip müəllimi idi. Ankara Sincan Dövlət Xəstəxanasından təqaüdə çıxdı. Digər iki hərbi oğlum da təqaüddədir. Nuri işləyirdi. Heç vaxt bizə işlə bağlı hara getdiyini deməzdi. Oğlum işini çox sevirdi. Allah hamısına kömək olsun. Ən böyük təsəllim şəhid atası olmağımdır” .