Sanki başıma soyuq su töküldü... 24 il sonra Laçına qayıtdım - MƏŞHUR FOTONUN TARİXİ

O, bu şəkildən 24 il sonra xəbər tutur. Düz 24 il sonra ona göndərilən bir foto uşaqlığına qaytarır.

Söhbət birinci Qarabağ müharibəsinin məşhur fotolarından birinin sahibi vəkil Valeh Mehrəliyevdən gedir. 36 yaşı var Valeh bəyin. Ömrünün 24 ilini belə bir fotosunun olduğundan xəbərsiz yaşayıb. Özünün xəbəri olmadan fotosu bir çox beynəlxalq mükafatlar alıb.

“Şəkil 1992-ci ilin fevral ayında çəkilib. Laçının işğalından 3 ay əvvəl. Onda mənim 7 yaşım var idi. Düzü, şəkilin çəkildiyi vaxtı xatırlamıram. Çünki foto məndən xəbərsiz çəkilib. Çox güman ki, şəklin müəllifi rusiyalı fotoqraf Oleq Litvindir. Çünki o dövrə aid bir çox məşhur fotoların müəllifi o olub”.

Dərsə gedərkən təsadüfən fotoqrafın kamerasına tuş gəlir və o, bu kadrı qaçırmaq istəmir...

“Təsəvvür edirsiniz, mən bu şəklin varlığından 2016-cı ildə xəbər tutdum. Bibimin qarşısına çıxıb və mənə göndərib. Yaxşı yadımdadır, şəkildə əynimdə gördüyünüz palto və ayaqqabılarımı bibim mənə hədiyyə almışdı. Yəqin ki, elə o da şəklə baxan kimi bunu xatırlayıb”.

Təsadüfən çəkilən bir şəklinizi illər sonra sizə göstərsələr hansı hisləri keçirərdiniz? Bəli, elə Valeh bəy də təəccüb dolu baxışlarla baxır uşaqlıq fotosuna.

“Elə bil başıma buz kimi soyuq su tökdülər. Bir anlıq ilk məktəbimə, ilk müəllimimə qovuşdum. 7 yaşlı Valeh olub Laçındakı evimizə qayıtdım”.

O, bu şəkildən 24 il sonra xəbər tutur. Düz 24 il sonra ona göndərilən bir foto uşaqlığına qaytarır.

Dərsə gedərkən təsadüfən fotoqrafın kamerasına tuş gəlir və o, bu kadrı qaçırmaq istəmir...

Təsadüfən çəkilən bir şəklinizi illər sonra sizə göstərsələr hansı hisləri keçirərdiniz? Bəli, elə Valeh bəy də təəccüb dolu baxışlarla baxır uşaqlıq fotosuna.

“Elə bil başıma buz kimi soyuq su tökdülər. Bir anlıq ilk məktəbimə, ilk müəllimimə qovuşdum. 7 yaşlı Valeh olub Laçındakı evimizə qayıtdım”.