Qış aylarında insanlar daha çox yeməyə bir neçə fizioloji və psixoloji səbəbə görə meyilli olurlar. Temperaturun aşağı düşməsi zamanı orqanizm bədəni isti saxlamaq üçün daha çox enerji sərf edir və bunun nəticəsində iştah artır.
Lent.az-ın məlumatına görə, araşdırmalar göstərir ki, insanlar ilin digər fəsilləri ilə müqayisədə soyuq qış aylarında daha çox kalori qəbul etməyə meyllidirlər.
Həkimlərin sözlərinə görə, iştahın mövsümi artmasına elmi izahlar var:
“Hava temperaturu aşağı düşəndə, orqanizm daxili temperaturunu qorumaq üçün instinktiv olaraq daha çox enerji axtarır. Bu isə çox vaxt makaron və pendir kimi yeməklərə, qaymaqlı şorbalara və ya isti şokolada qarşı daha güclü istək şəklində özünü göstərir. Bunların hər biri adətən şəkər və yağlarla zəngindir, orqanizm onları tez bir şəkildə enerji, eləcə də istiliyə çevirə bilir”.
Gün işığının azalması da serotonin və dopamin səviyyələrinin enməsinə səbəb olur. Bu neyromediatorlar əhval-ruhiyyəni tənzimləyir. Karbohidratlar serotonin səviyyəsini artırdığı üçün günlər qısaldıqca çörək, makaron və şokolad kimi məhsullara daha çox meyl edirik.
“Bu, sadəcə aclıq deyil. Beyninizin aşağı əhval-ruhiyyəni və azalan işıqlandırmanı kompensasiya etmə üsuludur və asanlıqla həddindən artıq yeməyə gətirib çıxara bilər. Hormonlar da müəyyən rol oynayır, çünki aclıq hormonu olan qrelin artır, doymanı bildirən leptin isə yuxu pozğunluğu yaxud az fiziki aktivlik səbəbindən azala bilər. Bu dəyişikliklər birlikdə yeməkdən sonra daha az toxluq hissi yaşamağımıza səbəb olur. Buna görə də bu tətikləri tanımaq və onları şüurlu şəkildə idarə etmək vacibdir”, — deyə həkimlər əlavə ediblər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
