Havalar bu tarixdən  İSİNƏCƏK
16 noyabr 2022 15:42 (UTC +04:00)

Havalar bu tarixdən İSİNƏCƏK

"Bu gün ərzində yağmurlu hava davam edəcək. Noyabrın 17-si və 18-də hava şəraiti nisbətən mülayimləşəcək. Dəyişkən buludlu olacağı, arabir tutulacağı, əsasən yağmursuz keçəcəyi gözlənilir”. 

Bu sözləri Lent.az-a Ekologiya və Təbii Sərvətlər Nazirliyinin (ETSN) Milli Hidrometeorologiya Xidmətinin Hidrologiya mərkəzinin direktoru Asif Verdiyev deyib. 

Onun sözlərinə görə, sabahdan havanın temperaturu nisbətən yüksələcək:

“Lakin noyabrın 17-də gecə bəzi yerlərdə qısamüddətli yağış yağacağı ehtimalı var. Ümumilikdə, hava şəraiti nisbətən mülayimləşəcək. Ayın 17-də cənub-qərb küləyi arabir güclənəcək. Günün ikinci yarısı şimal-qərb küləyi ilə əvəz olunacaq. Havanın temperaturu 17-də 13-16, 18-də isə 14-18 dərəcə isti olacaq. 

Bölgələrdə isə 17-si və 18-də əsasən yağmursuz hava şəraiti müşahidə olunacaq. Gecə və səhər saatlarında duman olacağı gözlənilir. Havanın temperaturu Aran rayonlarında 15-20, dağlarda isə 5-10 dərəcə isti olacaq”. 

# 13869
avatar

Fidan İlqar

Oxşar yazılar