01 iyun 2021 13:11 (UTC +04:00)

Əlilliyin təyini ilə bağlı daha bir YENİLİK

Əmək və Əhalinin Sosial Müdafiəsi Nazirliyi (ƏƏSMN) əlilliyi olan şəxslərin hüquqlarının daha dolğun təminatı məqsədilə  “Əlilliyi olan şəxslərin hüquqları haqqında” qanunda dəyişiklik edilməsi barədə yeni qanun layihəsi hazırlayıb.

Qurumdan Lent.az-a verilən məlumata görə, layihə artıq Milli Məclisə təqdim edilib.

Layihədə əlillik müddəti bitdikdən sonra 6 ay ərzində şəxsin əlilliyi yenidən müəyyən edildikdə, ötürülmüş müddətin nəzərə alınması təklifi yer alıb.

Bu o deməkdir ki, əgər şəxsə əlillik müddəti bitəndən sonra 6 aya qədər müddətdə əlillik təyin edilibsə, bu yeni əlillik təyinatı onun əvvəlki əlillik müddətinin bitdiyi tarixdən rəsmiləşəcək. Həmin müddət üçün də vətəndaşın sosial ödənişləri aparılacaq.

# 843
avatar

Hicranə Əlişqızı

Oxşar yazılar