Dini klipin çəkildiyi məktəbin direktoru CƏZALANDIRILDI
21 dekabr 2021 11:40 (UTC +04:00)

Dini klipin çəkildiyi məktəbin direktoru CƏZALANDIRILDI

“Dini klipin hansı məktəbdə çəkilməsi barədə məlumatımız var. Məktəb binası hansısa dini, siyasi mesajların paylaşılması üçün yer olmamalıdır”.

Lent.az xəbər verir ki, bunu təhsil naziri Emin Əmrullayev dövlət başçısının dünən təhsillə bağlı imzaladığı sərəncamlara dair brifinqdə deyib.

O qeyd edib ki, insanlar istənilən mövzuda klip çəkə bilərlər: “Sadəcə onun məktəbdə çəkilməsi bizim prosedurlara ziddir. Hətta maarifləndirmə ilə bağlı da Təhsil Nazirliyindən icazə alınmalıdır. Bu halda belə bir icazə alınmamışdı. Hadisə bazar günü baş verib, valideynlər də iştirak edib. Biz məktəblərdə bu tip fəaliyyətin olmasını qeyri-qanuni hesab edirik. Həmin məktəb direktoru cəzalandırılıb, barəsində intizam tədbiri görülüb”.

# 2457
avatar

Oxşar yazılar