Bakının bu yolunda hərəkət istiqaməti dəyişir
09 noyabr 2023 14:48 (UTC +04:00)

Bakının bu yolunda hərəkət istiqaməti dəyişir

Bakı şəhər Dövlət Yol Polisi İdarəsi Yasamal rayonunun ərazisində yoldakı təmirlə əlaqədar hərəkətin istiqamətinin dəyişdirilməsi ilə bağlı sürücülərə müraciət edib.

Bu barədə Lent.az--a idarənin rəsmisi Araz Əsgərli məlumat verib.

Bildirilib ki, “Qurd qapısı”ndan Badamdara gedən istiqamətdə yolun 50 metrlik hissəsində təmir işləri ilə əlaqədar olaraq hərəkətin istiqaməti dəyişdirilir. Bu, əsasən həmin yoldan istifadə edən və Badamdarda yaşayan sakinlər üçün əhəmiyyətlidir. Belə ki, Bakı şəhər Dövlət Yol Polisi İdarəsinin yanındakı dairədən geriyə hərəkət edib sağa Badamdara daxil ola biləcəklər.

“Təmir işlərinin beş gün davam etməsi nəzərdə tutulub. Xahiş edirik ki, sürücülər hərəkətin müvəqqəti dəyişdirilməsini nəzərə alsın”, - deyə A.Əsgərli vurğulayıb.

# 4800
avatar

Oxşar yazılar