Bakı-Moskva aviareysi ilə bağlı YENİLİK

“Azərbaycan Hava Yolları” Qapalı Səhmdar Cəmiyyəti (AZAL) Bakı-Moskva (Domodedovo hava limanı) və əks istiqamətdə xüsusi reyslərin sayı artırır.

Qurumdan Lent.az-a verilən məlumata görə, hər həftə həyata keçirilən iki reysə (çərşənbə və bazar günləri) iyunun 14-dən etibarən bazar ertəsi günləri həyata keçiriləcək daha bir reys əlavə olunacaq.

Qeyd olunan reyslərə biletləri aviaşirkətin www.azal.az rəsmi saytından, həmçinin aviaşirkətin akkreditə olunmuş agentliklərindən əldə edə bilərsiniz.

Qeyd edək ki, daşınmaya mövcud epidemioloji məhdudiyyətlər şəraitində uçuşa icazəsi olan kateqoriyadan sərnişinlər qəbul ediləcək.