Azərbaycandan Həcc ziyarətinin vaxtı və qiyməti  açıqlandı
15 mart 2023 20:14 (UTC +04:00)

Azərbaycandan Həcc ziyarətinin vaxtı və qiyməti açıqlandı

Azərbaycandan Həcc ziyarətinə səfərin vaxtı məlum olub.

Məsələ ilə bağlı Lent.az-a açıqlama verən QMİ-nin Xarici əlaləqər şöbəsinin müdiri və həcc elektron sistem məsulu Vüsal Cahangiri bildirib ki, Həcc ziyarəti iyunun sonu, iyulun əvvəlinə nəzərdə tutulub. Ziyarətlə bağlı sənəd qəbuluna martın 17-dən başlanacaq:

"Sənəd qəbulu istirahət və bayram günləri xaric hər gün saat 10:00-dan 17:00-a kimi qəbul ediləcək.

Ziyarətə getmək üçün yaş məhdudiyyəti yoxdur. Vaksinlər barədə hələ ki, tam təlimatlar olmasa da, hər zəvvardan 2 vaksinin vurulması tələb olunacaq".

Şöbə müdiri qeyd edib ki, Həcc ziyarətinə gediş-gəliş təyyarələrlə həyata keçiriləcək.

Qeyd edək ki, bu il Həcc ziyarəti üçün bir nəfərlik ziyarət paketinin qiyməti 5750 ABŞ dolları təşkil edir.

Builki ziyarət azərbaycanlı zəvvarlar üçün vahid formada təşkil olunacaq və təyyarə reysləri vasitəsi ilə həyata keçiriləcək.

Həcc ziyarətinə getmək üçün aşağıdakı sənədlər tələb edilir:

1. Xarici pasport;

2. Şəxsiyyət vəsiqəsinin surəti;

3. 3.5 × 4.5 sm ölçüdə 4 ədəd ağ fonda çəkilmiş rəngli fotoşəkil;

4. Sağlamlıq haqqında arayış.

Sənəd qəbulu Qafqaz Müsəlmanları İdarəsinin Bakı şəhəri, Mirzə Fətəli küçəsi 7 ünvanında yerləşən inzibati binasında aparılır.

# 10320
avatar

Oxşar yazılar