İqtisadiyyat nazirinin yeni müavini kimdir?

Azərbaycan Prezidentinin sərəncamı ilə İqtisadiyyat nazirinə yeni müavin təyin olunub.

Bu vəzifəyə təyin olunan Rövşən Nəcəf kimdir?

Lent.az yeni nazir müavini ilə bağlı məlumatları təqdim edir.

Rövşən Nəcəf 1982-ci ildə Bakı şəhərində doğulub. Azərbaycan Dövlət İqtisad Universitetinin beynəlxalq iqtisadi münasibətlər fakültəsini bitirib, ABŞ-ın Kolumbiya Universitetində magistr proqramı üzrə təhsil alıb. İqtisadiyyat üzrə fəlsəfə doktorudur.

Azərbaycan Dövlət İqtisad Universitetində laborant, İqtisadi İnkişaf Nazirliyində məsləhətçi, baş məsləhətçi, sektor müdiri, SOCAR-da iqtisadçı, şöbə rəisi vəzifələrini tutub.

İqtisadi İnkişaf Nazirliyində xarici iqtisadi əlaqələr şöbəsinin müdir müavini, müdiri, nazirin köməkçisi vəzifələrində də çalışan Rövşən Nəcəf həmçinin “Azərbaycan İnvestisiya Şirkəti” ASC-nin icraçı direktorunun müavini, icraçı direktoru olub.

Rövşən Nəcəf 11 may 2018-ci ildən 28 avqust 2019-cu ilədək Prezident Administrasiyasının innovativ inkişaf və elektron hökumət məsələləri şöbəsinin müdiri postunda çalışıb.