610 balla ali məktəbə daxil ola bilmədi: Kəsilənlər kimlərdi? - STATİSTİKA

Təhsil eksperti Kamran Əsədov müsabiqə şərtlərini ödəyən, ixtisas seçimi edib, amma ali məktəblərə qəbul ola bilməyən abituriyentlərin sayı barədə paylaşım edib.

Lent.az xəbər verir ki, o qeyd edib ki, I ixtisas qrupu üzrə 340-350 arası bal toplayan 2, 300-dən çox bal toplayan 3, 200-dən çox bal toplayan 8 abituriyent qəbul ola bilməyib:

"II ixtisas qrupu üzrə 370-380 arası bal toplayan 1, 300-dən çox bal toplayan 13, 200-dən çox bal toplayan 37 abituriyent tələbə adını qazanmayıb.

III ixtisas qrupu üzrə 510-520 arası bal toplayan 1, 400-dən çox bal toplayan 14, 300-dən çox bal toplayan 89 abituriyent, 200-dən çox bal toplayan 557 abituriyent ali məktəblərə daxil olmayıb.

IV ixtisas qrupu üzrə isə 600-610 arası bal toplayan 1, 550-560 arası bal toplayan 1, 500-dən çox bal toplayan 16 abituriyent, 400-dən çox bal toplayan 39, 300-dən çox bal toplayan 68, 200-dən çox bal toplayan 85 abituriyent ixtisas seçimində uğur qazanmayıb".