4 tondan çox yararsız qaymaq aşkarlandı
12 yanvar 2021 17:42 (UTC +04:00)

4 tondan çox yararsız qaymaq aşkarlandı

Xarici ölkələrdən Azərbaycana idxal edilən yeyinti məhsulları mütəmadi qaydada Qida Təhlükəsizliyi Agentliyində (AQTA) risk əsaslı ekspertizaya cəlb edilir.

Agentlikdən Lent.az-a verilən məlumata görə, nəzarət tədbirləri çərçivəsində “İtalika Azerbaijan” Məhdud Məsuliyyətli Cəmiyyətinin İtaliyadan ölkəmizə idxal etdiyi “Hopla” əmtəə nişanlı qaymaq məhsulundan götürülən nümunələr Azərbaycan Qida Təhlükəsizliyi İnstitutunun (AQTİ) müvafiq laboratoriyalarında müayinə edilib. Aparılan müayinələr nəticəsində qaymaq məhsulunda mezofil aerob və fakultativ-anaerob mikroorqanizmlərin miqdarının normadan çox olduğu, məhsulların qüvvədə olan texniki normativ sənədlərin tələblərinə cavab vermədiyi müəyyən olunub. 

Bununla bağlı istifadəyə yararsız “Hopla” əmtəə nişanlı 0.5 litrlik qablaşdırmada, ümumi çəkisi 4572 kq olan məhsul partiyası “Təhlükəli Tullantılar” poliqonunda agentlik əməkdaşlarının iştirakı ilə məhv edilib.

# 2943
avatar

Hicranə Əlişqızı

Oxşar yazılar