Rezidenturaya qəbul imtahanı sentyabrın 8 və 9-da keçiriləcək

“Rezidenturaya qəbul imtahanı test üsulu ilə iki mərhələdə keçiriləcək”. Lent.az-ın məlumatına görə, bunu keçirdiyi mətbuat konfransında TQDK sədri Məleykə Abbaszadə bildirib.

TQDK sədrinin sözlərinə görə, qəbul imtahanının birinci mərhələsi sentyabrın 8-də, ikinci mərhələsi isə sentyabrın 9-da keçiriləcək: “İmtahanda iştirak etmək üçün namizəd sentyabrın 5-dən 7-dək olam müddətdə öz elektron ərizəsinə daxil olaraq, imtahanın hər bir mərhələsi üçün ayrılıqda imtahanın hər bir mərhələsi üçün ayrılıqda “Namizədin imtahana buraxılış vərəqəsi”ni çap edib götürməlidir”. M Abbaszadə qeyd edib ki, birinci mərhələdə namizədin baza ali tibb təhsili istiqamətinə müvafiq olaraq qəbul proqramı əsasında baza fənn bilikləri yoxlanılacaq: “Namizədlərə baza və ixtisas fənlərinin hər birində ayrılıqda 100 test tapşırığı təqdim olunacaq. Hər iki mərhələdə namizədin hər bir test tapşırığına düzgün cavabı 1 balla qiymətləndirilir”.

TQDK sədri onu da vurğulayıb ki, ixtisas seçiminə imtahanda topladığı balı baza fənləri üzrə 40-dan, ixtisas fənləri üzrə 50-dən az olmayan namizədlər buraxılır.

Anar Məcidzadə