“Böyük İpək Yolu” jurnalistlər arasında müsabiqə keçirəcək
30 iyul 2012 14:22 (UTC +04:00)

“Böyük İpək Yolu” jurnalistlər arasında müsabiqə keçirəcək

Səfərin məqsədi media nümayəndələrinin bir günlük də olsa işdən kənar istirahəti və “Böyük İpək Yolu” ilə tanışlığı olub. Bu barədə Lent.az-a təşkilatdan məlumat veriblər.

İsmayıllı rayonunun dilbər guşələrinin birini özlərinə məkan seçən media nümayəndələri burada istirahət etməklə yanaşı müxtəlif intellektual oyunlar da keçiriblər. “Böyük İpək Yolu” Beynəlxalq Gənclər Təşkilatının nümayəndələri Nail Abdulov və Orxan Əli media işçilərinə yeni yaradılmış təşkilat haqqında məlumat veriblər. Bildirilib ki, iyun ayının 27-də təsis olunan təşkilat 25 ölkənin gənclərini özündə birləşdirir. Bundan başqa təşkilat mədəniyyətlərarası dialoq, gənclərin sosiallaşması və digər sahələrdə layihələr həyata keçirəcək.

Qeyd edək ki, “Böyük İpək Yolu” Beynəlxalq Gənclər Təşkilatı yaxın günlərdə jurnalistlər üçün müsabiqə elan edəcək. Təşkilatın rəhbəri millət vəkili Fuad Muradovdur.

Mübariz Aslanov
# 1429

Oxşar yazılar