“Vokruq Sveta” jurnalında Şəki mətbəxindən yazılıb

Mədəniyyət və Turizm Nazirliyinin beynəlxalq əlaqələr və mədəniyyət proqramları şöbəsindən Lent.az-a verilən məlumata görə, materialda oxucular Şəkinin özünəməxsus mətbəxi və Azərbaycanın zəngin mətbəx mədəniyyəti ilə tanış olublar.

Məqalədə Şəki paxlavası, Şəki külçəsi, plov, kükü, piti kimi yemək və şirniyyatlar, habelə, Şəkinin şərabçılıq ənənələri haqda geniş məlumat verilib və onların hazırlanma qaydaları göstərilib. Azərbaycanın rəngarəng mətbəx mədəniyyətinin xüsusi tərzdə dünya oxucularının nəzərinə çatdırılması Azərbaycan turizminin inkişafı üçün geniş perspektivlər vəd edir.

“Vokruq Sveta” jurnalında nəşr olunmuş material Mədəniyyət və Turizm Nazirliyinin dəstəyi ilə hazırlanıb. Ötən ilin iyulunda Nazirlik tərəfindən qeyd edilən nəşriyyatın 2 əməkdaşının ölkəmizə səfəri təşkil edilib.
Xatırladaq ki, 2010-cu ildə “Azərbaycanı kəşf edək. Bələdçi kitablar” layihəsi çərçivəsində “Vokruq Sveta” nəşriyyatı tərəfindən Azərbaycan haqda nəfis tərtibatlı bələdçi-kataloq nəşr olunub.
Xəyalə