“Bakalavrın elektron ixtisas seçimi ərizəsi"ni təsdiqləyənlərin sayı 3800 nəfərə çatıb

İyunun 13-də Tələbə Qəbulu üzrə Dövlət Komissiyası (TQDK) 2009/2010-cu tədris ili üçün Azərbaycan ali məktəblərinin magistratura pilləsinə internet vasitəsilə ixtisas seçimi başa çatacaq. Lent.az-ın məlumatına görə, ixtisas seçimi mərhələsinə mayın 3-də keçirilmiş birinci mərhələ imtahanını uğurla keçən bakalavrlar buraxılır. Qeyd olunan müsabiqə şərtlərini ödəyən bakalavrlar "TQDK-nın ödəmə kartı"ndan (iş nömrəsi və şifrindən) istifadə etməklə TQDK-nın müvafiq internet səhifəsində (tqdk.gov.az/erizemagistr) "Bakalavrın elektron ixtisas seçimi ərizəsi" formasına daxil olaraq qəbul proqramını və ixtisasların kodlarını seçərək təsdiq etməlidirlər.
Yalnız 13 iyun 2009-cu il saat 24:00-dək internet vasitəsilə ixtisas seçimi ərizəsini təsdiq edən bakalavrlar magistraturaya qəbul imtahanının 2009-cu il iyunun 21-də keçirilən ikinci mərhələsində iştirak edə biləcəklər.

Magistraturaya qəbul imtahanının ikinci mərhələsi iyunun 21-də keçiriləcək.

Birinci mərhələnin nəticələrinə görə 6383 bakalavr ikinci mərhələyə buraxılıb, onlar ixtisas seçimində iştirak hüququ qazanıblar. Bu gün saat 11.00-a olan məlumata görə, həmin bakalavrlardan yalnız 3800 nəfəri “Bakalavrın elektron ixtisas seçimi ərizəsi"ni təsdiq edib.

Elxan Salahov