Təhsil Nazirliyi və TQDK 3-cü sinif dərsliyini müzakirə etdi
04 dekabr 2012 16:52 (UTC +04:00)

Təhsil Nazirliyi və TQDK 3-cü sinif dərsliyini müzakirə etdi

“TQDK-da ibtidai sinif müəllimlərinin elmi-metodiki seminarı keçirilib”. Bu barədə Lent.az-a Tələbə Qəbulu üzrə Dövlət Komissiyasının mətbuat xidmətinin rəhbəri Elnur Nağızadə bildirib.
E. Nağızadə qeyd edib ki, gündəlik məsələ tam orta məktəblərin 3-cü sinifləri üçün Azərbaycan dili dərsliyinin və müəllimlər üçün elmi-metodiki vəsaitin müzakirəsi olub: “Seminar iclasında Azərbaycan Respublikası Təhsil Nazirliyinin şöbə müdiri Faiq Şahbazlı, Azərbaycan Respublikası Təhsil Nazirliyinin Təhsil Problemləri İnstitutunun direktor müavini Yəhya Kərimov, Təhsil Nazirliyinin Kurikulum mərkəzinin İbtidai təhsilin kurikulumu şöbəsinin müdiri Bibixanım İbadova , dərslik müəllifi Rafiq İsmayılov, AMEAnın əməkdaşı Arif Əsədov iştirak ediblər”.

TQDK sözçüsü bildirib ki, Bakı şəhərinin ibtidai sinif müəllimləri də iştirak edib və gündəlik məsələ ilə bağlı fikirlər bildirib, təkliflər veriblər.
Anar Məcidzadə
# 1044

Oxşar yazılar