Sürücülərin nəzərinə: Bakının bu küçə və prospektlərinə girməyin - CƏDVƏL

Bakıda nəqliyyatın sıx olduğu və daimi tıxac yaranan küçə və prospektləri açıqlanıb. Nəqliyyatı İntellektual İdarəetmə Mərkəzindən (NİİM) Lent.az-ın sorğusuna cavab olaraq bildirilib ki, sutkanın 24 saatı ərzində paytaxtın bütün mərkəzi küçə və prospektləri kameralar vasitəsi ilə izlənilir. Nəqliyyatın normal hərəkətinin təmin olunması üçün NİİM tərəfindən lazımı tədbirlər görülür. Lakin günün müxtəlif vaxtlarında Bakının bəzi küçə və prospektlərində tıxaclardan qaçmaq mümkün olmur. Şəhərdə ən çox tıxaclar isə axşam saatlarında, sakinlərin işdən çıxıb evə getdiyi vaxtlarda qeydə alınır. NİİM Bakıda tıxacların ən çox qeydə alındığı yerləri, küçə və prospektləri təqdim edir.

Daimi tıxac və sıxlıq qeydə alınan küçə və prospektlər:

Küçə/prospekt	Sıxlıq qeydə alınana vaxt	İstiqamət
Moskva pr.	səhər saatları	CƏNUB (şəhər)
Moskva pr.	axşam saatları	ŞİMAL (Bakı-Sumqayıt şos.)
Tbilisi pr.	Axşam və səhər saatları	Nəqliyyat Nazirliyinin qarşısı
3 mkr. dairəsi	axşam saatları
Abbasqulu Ağa Bakıxanov küç.	gün ərzində
Rəşid Behbudov küç.	gün ərzində	Bakixanov küç. kəsişmə
Ak.Həsən Əliyev küç.	pik saatlarda	Səməd Vurğun küç. kəsişmə
Əziz Əliyev küç.	pik saatlarda
Üzeyir Hacıbəyov küç.	pik saatlarda
Şah İsmail Xətai pr.	gün ərzində	Şərq və Yaşıl bazarın qarşısı
Neftçilər pr.	axşam saatları	Azneft meydanı
Niyazi küç.	axşam saatları
Babək pr.	axşam saatları	Oktay Vəliyev küç. kəsişmə
Yusif Səfərov küç.	axşam saatları
Nobel pr.	axşam saatları	Ramiz Quliyev küç. kəsişmə
Sakit Qocayev küç.	gün ərzində	Bakixanov t/m (Razin)
Qara Qarayev pr.	gün ərzində	8 km. Bazarının qarşısı Laçın t/m qarşısı
Abdulvahab Salamzadə küç.	axşam saatları	Ziya Bunyadov küç. kəsişmə
Ağa Neymətulla küç.	pik saatlarda