Qadın liderliyinin artırılması mövzusunda dəyirmi masa keçirilib - FOTO

Nizami rayon İcra Hakimiyyəti ilə birgə “Azərbaycanda Qadın liderliyinin artırılması və qərarvermə prosesində iştirakının gücləndirilməsi” mövzusunda dəyirmi masa keçirilib. Lent.az-ın məlumatına görə, tədbir “Qadınlar Bələdiyyələrin İnkişafı Uğrunda” İctimai Birliyi «CEDAW 7b» Koalisiyası yaradaraq Azərbaycanda ABŞ Beynəlxalq İnkişaf Agentliyinin (USAİD) maliyyələşdirdiyi və Kaunterpart İnterneşnl təşkilatının həyata keçirdiyi Qadın İştirakçılığı Proqramı (QİP) üzrə «Yerli İdarəetmədə Qadın Liderliyi (YİQL)» adlı Layihəsi çərçivəsində baş tutub.

Dəyirmi masada Nizami rayon İcra Hakimiyyəti başçısının müavini, Bələdiyyə, icma liderləri, idarəetmədə iştirak edən qadınlar, yerli QHT və KİV, hökumət strukturlarının nümayəndələrinin iştirak edib.

Nizami rayon İcra başçısının müavini Gülnaz İsrafilova tədbiri açaraq bildirib ki, bu gün ölkənin ictimai, sosial-iqtisadi və siyasi həyatında qadın hüquqlarının və gender bərabərliyinin qorunması sahəsində böyük nailiyyətlər əldə olunub, bununla yanaşı Azərbaycanda Qadın Liderliyinin artırılması və qərarvermə prosesində iştirakının gücləndirilməsi vacibdir.

Layihə rəhbərinin köməkçisi və beynəlxalq eksperti Mehman Kərimov bildirib ki, Proqrama əsasən «CEDAW 7b» adlı koalisiya yaradılıb. Tədbir iştirakçıları çıxış edərək proqramın və layihənin vacibliyini vurğulayıb.