Orta ixtisas müəssisələrinə qəbul qaydaları açıqlandı

Orta ixtisas təhsili müəssislərinə qəbul aparılan ixtisaslar 3 qrupa bölünür. Bu barədə Lent.az-a TQDK-nın mətbuat xidmətindən məlumat verilib.

Orta ixtisas təhsili müəssislərinə tələbə qəbulu müsabiqəsində iştirak etmək qaydaları aşağıdakılardır:

I qrup ixtisasların müsabiqəsində ali təhsil müəssislərinə tələbə qəbulunun I, II, III və ya IV qrupu üzrə imtahanda iştirak edən və ümumi balı 100-dən az olmayan abituriyentlər iştirak edə bilərlər.

II qrup ixtisasların müsabiqəsində ali təhsil müəssislərinə tələbə qəbulunun I və ya IV qrupu üzrə imtahanda iştirak edən və ümumi balı 100-dən az olmayan abituriyentlər iştirak edə bilərlər.

III qrup ixtisasların müsabiqəsində ali məktəblərə tələbə qəbulunun III qrupu üzrə imtahanda iştirak edən və ümumi balı 100-dən az olmayan abituriyentlər iştirak edə bilərlər.

Qeyd edək ki, 11 illik təhsil bazasından orta ixtisas məktəblərinə ixtisasların seçimi avqustun 19-dan 23-dək internet vasitəsi ilə aparılacaq.

Anar