Milli Şuranın Bakıda keçirdiyi mitinqdə 1200 nəfər iştirak edib - RƏSMİ - YENİLƏNİB
31 mart 2018 17:15 (UTC +04:00)

Milli Şuranın Bakıda keçirdiyi mitinqdə 1200 nəfər iştirak edib - RƏSMİ - YENİLƏNİB

Bakı şəhər Baş Polis İdarəsi Milli Şuranın Bakıda keçirdiyi mitinqlə bağlı məlumat yayıb.
 
 
 
İdarədən APA-ya daxil olan məlumatda bildirilir ki, martın 31-də özünü Demokratik Qüvvələrin Milli Şurası adlandıran quruma daxil olan partiya və birliklərin Yasamal rayonundakı idman-sağlamlıq kompleksinin stadionunda Bakı Şəhər İcra Hakimiyyəti ilə razılaşdırılmış mitinqi keçirilib. 
 
 
 
Saat 15.00-dan 17.00-dək davam edən toplantıda Azərbaycan Xalq Cəbhəsi, Müsavat və Azərbaycan Xalq partiyalarının, Müsəlman Birliyi, “NİDA” hərəkatlarının, eləcə də müxalifətyönümlü bir sıra qeyri-hökumət və gənclər təşkilatlarının ümumi sayı 1200 (min iki yüz)  nəfərədək olan üzvü və təəssübkeşi iştirak edib.
 
 
 
İctimai asayişin və hüquq qaydasının kobud şəkildə pozulması halları qeydə alınmayıb.
 
 
 
15:30
 
 
Bakıda Milli Şuranın mitinqi başlayıb.
 
 
 
APA-nın xəbərinə görə, Bakı Şəhər İcra Hakimiyyəti ilə razılaşdırılmış aksiya keçmiş “Məhsul” stadionunda keçirilir.
 
 
 
Aksiya iştirakçılarının təhlükəsizliyi polis tərəfindən təmin olunur.
# 268
avatar

APA Baycan

Oxşar yazılar