Azərbaycan Afrikada xeyriyyə yarmarkası keçirib

Cari ilin 31 may tarixində Cənubi Afrika Respublikasının paytaxtı Pretoriya şəhərində Azərbaycanın CAR-dakı Səfirliyi və “Azərbaycanın

Dostları” yerli qeyri hökumət təşkilatının dəstəyi ilə “Diplomatların Həyat Yoldaşları Təşkilatının” təşkilatçılığı ilə keçirilən ənənəvi xeyriyyə yarmarkada

Azərbaycan guşəsi açılıb. Səfirlikdən Lent.az-a verilən məlumata görə, Azərbaycan guşəsində adət ənənələrimizi əks etdirən suvenirlər, xalça,

kitablar və digər əşyalar nümayiş edilib. Həmçinin ölkəmiz barəsində və Azərbaycanın turistik potensialına aid Azərbaycan Respublikasının Mədəniyyət

və Turizm Nazirliyinin çap materialları çoxsaylı qonaqlara paylanılıb. Tədbir çərçivəsində, qonaqlar qarşısında, səfirliyin nəzdində fəaliyyət

göstərən uşaq rəqs qrupu müxtəlif Azərbaycan rəqsləri ilə çıxış ediblər.

Səfirlikdən bildirilib ki, Azərbaycan rəqsləri Pretoriya şəhərində keçirilən əksər yerli və beynəlxalq təbirlərin tərkib hissəsinə çevrilib və tamaşaçılar tərəfindən çox böyük maraqla qarşılanır.

Yarmarkada CAR-da akkreditə olan diplomatik korpusun nümayəndələri, çoxsaylı səfirliklər iştirak ediblər və tədbir zamanı satılan milli suvenir və

müxtəlif xalqların mədəniyyətinə aid əşyalardan alınan gəlir yerli məktəblərdən birinin dəstəyinə sərf olunacaq.

Tədbir yerli KİV-lər tərəfindən işıqlandırılıb.