“İsa Qəmbərin mövqeyi xəyal qırıqlığı yaratdı” – <span style="color:red;">Qubad İbadoğlu
24 noyabr 2014 17:12 (UTC +04:00)

“İsa Qəmbərin mövqeyi xəyal qırıqlığı yaratdı” – Qubad İbadoğlu

 

 

"Müsavat Partiyasının ümumrespublika müşavirəsi həm də onu göstərdi ki, İsa Qəmbər çoxdan tərəfə çevrilib və hazırda Müsavat Partiyasında onun iradəsindən kənarda heç nə baş vermir”.


 

Bunu APA-ya açıqlamasında Müsavat başqanlığına sabiq namizəd Qubad İbadoğlu deyib.

 

Q. İbadoğlu Müsavatın sabiq başqanı İsa Qəmbərin müşavirədəki çıxışını şərh edərək, onun qurultaydan əvvəl tutduğu mövqeni davam etdirdiyini bildirib. O, keçirilmiş müşavirəni problemin yoluna qoyulması üçün əldən buraxılmış şans kimi dəyərləndirib: “Çünki bizim tərəfimizdən barışıq üçün təkliflər paketinin təqdimatına və bu yöndə olan çağırışlara xüsusilə də İsa Qəmbər tərəfindən pozitiv yanaşma nümayiş etdirilmədi. Bu, xeyli müsavatçının gözləntilərini doğrultmadı, hətta onların bəzilərində xəyal qırıqlığı yaratdı. Müşavirə həm də onu göstərdi ki, indiki keçid dövründə partiya idarəçiliyində istifadə olunan metodlar hazırkı dövrün tələblərinə adekvat deyil. Partiya idarəçiliyində ən vacib vəzifə mövcud struktura etimadın formalaşdırılması olsa da, bu istiqamətdə heç bir addım atılmır və bu da üzvlər arası münasibətlərdə gərginliyi artırır”.

 

Q. İbadoğlu qeyd edib ki, narazılar işçi qrup səviyyəsində müzakirələri davam etdirəcək və dekabrın birinci ongünlüyündə yekun qərar elan olunacaq: “Hazırkı müzakirələrin hədəfi növbədənkənar qurultayın çağırılmasına nail olmaqdır. Bununla əlaqədar olaraq, bir vasitə kimi fraksiyanın yaradılması da gündəmdədir. Mübarizəmiz partiya daxilində davam edir”.

# 545
avatar

Oxşar yazılar