Terrorçu Ermənistanın mülki əhalinin yaşadığı ərazilərə atdığı raket zərbələri zamanı Bərdə Olimpiya İdman Mərkəzinə də ziyan dəyib.
Apasport.az saytının məlumatına görə, bunu Azərbaycan Milli Olimpiya Komitəsi açıqlayıb.
İdman qurğusunun düşmən zərbələri ilə dağıntılara məruz qaldığı bildirilib: “Olimpiya dəyərlərinə zidd olan, Azərbaycan idman ictimaiyyətinə qarşı bu cür qəddar və qeyri-humanist hərəkətləri şiddətlə qınayırıq. Yaxınlarını itirən ailələrə başsağlığı və yaralılara isə şəfa diləyirik”.
Qeyd edək ki, terrorçu Ermənistan silahlı qüvvələrinin dünən Bərdə şəhərindəki mülki şəxsləri və ticarət obyektlərini raket atəşinə tutması nəticəsində 21 nəfər ölüb, 70-ə yaxın şəxs yaralanıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
