Joao Suareş sentyabrda Azərbaycana gələcək

Bu barədə APA-ya Azərbaycanın ATƏT PA-dakı nümayəndə heyətinin üzvü, millət vəkili Eldar İbrahimov məlumat verib.

E. İbrahimovun sözlərinə görə, bu barədə J. Suareş Azərbaycanın ATƏT PA-dakı nümayəndə heyətinin üzvləri ilə görüşündə bildirib.

«Suareşin bu vəzifəyə təyinatını Azərbaycan və Ermənistan heyətləri yüksək səviyyədə qarşıladı. Ona görə ki, o, ATƏT Parlament Assambleyasının prezidenti olub, Azərbaycana və Ermənistana səfər edib, regionu və prosesi yaxından bilir və ədalətli mövqeyə malikdir», - deyə E. İbrahimov vurğulayıb.

Qeyd edək ki, J. Suareş Avropa Parlamenti və ATƏT PA-nın üzvü olub, iki il ATƏT PA-nın prezidenti postunu tutub.